好累呀!

好累呀! 要一個完全唔識素描的人畫素描實在好累!

我決定繼續學畫油畫，因為我想知自己的能力究竟有幾多，同時希望從中發掘自己的興趣 (我的興趣不是只有買東西嗎? 買東西要用好多錢啊，所以我要發掘其他興趣!)。

老師說未來十堂都想我們畫實物，我聽後簡直晴天霹靂 (有需要這麼誇張嗎?)。我立即向老師說我好喜歡畫山水畫啊，老師話希望我們打好基礎，對將來畫風景畫有幫助 (嗯......我不是想成為畫家，我只是為興趣而畫啊! 好，為了我的山水畫，我忍!)。

哈哈! 不過我不斷哀求老師給我畫風景畫，或許是我太煩了(某人也幫口替我求情!)，老師決定有兩堂給我畫風景畫，實在太好了!

最後老師說近來天氣開始涼，或許我們可以出外寫生 (嘩，唔係玩咁大呀!到對面公園嗎?)!

+    +    +    +    +     +

今日媽媽打電話來問我是否回家吃飯，我話好呀!

我 :「唔好煮咁多餸喎!」(基本上母親煮餸份量比較多!)

媽媽:「吓，阿邊個唔返來食呀?」(問緊某人!)

我 :「唔係，不過唔好煮海鮮俾佢食，佢食得太多了!」

媽媽:「哦!好啦! 咁今晚煲蟹粥吧!」(......)

我媽媽確實是一個有趣的人，果然是有其母必有其女!

+      +      +      +      +      +

朋友，知道你和男朋友復合了當然替你高興，感情事很難分對與錯，作為第三者只能給你意見，許多事別人未必明白。作為朋友，只希望你快樂!