最近某時裝品牌推出的雜誌隨書附送了一個環保袋,質素不錯,大小也剛剛好,而且價錢也只不過一百多元,絕對買得過,由於數量有限,很多抄家便放到網上拍賣,不過許多定的價錢也很合理,只不過是貴街賣的數十元,你不用浪費時間自己去四處尋找。
當時我和某人看到這個世紀大騙案時真是很想挺身而出,但又想到可能要斷人衣食便作罷了(如果那間店舖冇生意咁咪冇錢賺,冇錢賺好可能會裁員,咁我會否做了衰人? 我是否想太多呢?)。
嘩!最近好開心囉,無線除了有"畢打自己人"、又有我偶像黃子華的劇集(不大喜歡那位女主角,應該是什麼"十月初五月光"時已不喜歡她了),跟著再有"古靈精探"(這套一般罷了!),然後就是我期待已久的"阿蘇"了。自當時重溫有線節目時就很喜歡阿蘇的說話方式,雖然她有時是惡了一點,但她亦有少女的一面啊!(想嘔嗎?)
哈哈!這幅畫係我目前最滿意的畫(畫咗好多幅嗎?)睇得出係一幅風景畫,有天、有海、有樹,有太陽(看到嗎?)畫這幅畫不用起稿,可以隨意上顏色,無知人好開心,可以隨心所欲係咁油(其實係有人懶得起稿囉!)
下課後,某人來接放學,由於我要去換衣服,某人和老師交談起來。
某人:『咦!佢今日幅畫畫得唔錯喎!』(佢努力揾緊話題)
老師:『係呀!佢用色進步了許多!』(......)
某人:『咁咪幾好!可以貼係屋企!』(某人開始唔識俾反應)
老師:『係呀!遲些可以貼滿全屋!』(畫咗三幅咋喎!)
咩事呢?家長教師會嗎?阿媽接女放學???????
*********************************************不過重點不是這裡,重點係我公司某些師奶同事(我唔係歧視師奶,我本身都係師奶,我阿媽都係師奶!)她們家裡應該有至少一個廁所吧(我十分相信他們可能唔只一個!)我真係好想知道佢地屋企廁所的衛生程度,點解我咁講呢?話說那幾位師奶每次去完廁所,無論是大與小,總會留低一些手尾,例如有尿跡係馬桶邊啦、有屎跡係馬桶裡面,亦都見過有條血路係地上(ok,我知你還有m來,不用告訴我),某位同事更加是童心未泯,洗完手後把水潑到鏡子上(??有冇搞錯)所以每次除非我忍冇可忍,否則我一定不會跟她們後面去廁所(公司只有一格女廁,一格男廁)。之前提過,由於公司最近沒有廁所水,要自行用膠桶裝水後再沖廁,廁所衛生問題變得更為嚴重了。你會發現有紙巾未被沖掉、有幾條屎痕係馬桶(好核突呀!!可唔可以刷一下呢?)我每次都有個習慣,就係沖廁後(無論大小)都會看清楚有否手尾留低,免得影響下一手,難道她們這麼大個人都不懂自律,我不是她們的阿三阿四,冇義務去幫她們善後呀!早陣子公司廁所已經張貼了告示要大家保持清潔(唉...連這些都要人提點,面斥不雅,她們知道嗎?)
好無奈!那些家裡有工人的就話可以唔駛自己清潔廁所,那些沒有工人的,難道每次都有家人幫她們善後?