鯉魚門

爸爸媽媽的生日，經我和某人商量後，決定去鯉魚門食海鮮，一來我和媽媽都未去過，二來唔想又食自助餐(其實佢地可能想食自助餐多o的囉，我父母對於自助餐簡直百吃不厭，他們的食量驚人得令我覺得酒店會因為咁蝕呀!我爸爸可以一個鐘頭來來回回不停攞食物，而你可能還未吃完第二碟)

我們幫趁的海鮮酒樓都算老實(其實我咩都唔識，街頭海鮮檔話$240一斤蟹，我仲問阿媽即係點，貴嗎?所以我和某人係唔可以兩個人去食囉!) 海鮮好好食、好新鮮(大佬，係對面檔拎過來，唔好玩啦!)但係我覺得間酒樓位置唔係咁好，它位處係最入，我地真係要排除萬難先入到去(??好誇張!)，因為當時的情境就好像我們去了澳門的手信街一樣，沿途不斷有人拉你的衣服、捉住你的手(我平生最怕被陌生人觸摸的，有說話講就好了，唔好摸我啦，大家萍水相逢，唔係好熟咋!) 總括來說這個海鮮餐不錯，不過都幾貴(好明顯有人肉赤緊啦!)酒樓老闆可能見我窮，送咗碟炒硯給我們，多謝晒!

兩位老細，生日快樂呀，祝妳們身體健康!