中藥

最近睇中醫調理一下身體(其實點調呢?調高定調低!) 醫師開完藥後，提我在超市買一樽麥芽糖混在藥裡一起服用(怕我驚苦??)醫師話麥芽糖促肝(??)

無知人:『嘩!好神奇呀!咁我用蔗糖、黃糖又得唔得呀?』(好明顯某人懶，唔想買!)
醫師 :『唔得呀!剩係麥芽糖先有效。』(好有耐性)
無知人:『咦，咁我唔駛食藥時，咪可以食麥芽糖促肝囉?』(其實自己都唔明咩叫促肝!)
醫師 :『咁你咪夾餅食囉!』(嘩，佢幾時變咗麥o麥裡面的黃秋生呀!)

經過妙問妙答，無知人公主病發作，點了某人去買，其實佢自己都買到啦!

唔該晒阿媽幫我煲藥!(我提佢唔好落咁多水，上次佢煲咗好似湯碗咁大碗藥，又話四碗煲成一碗，醫師應該唔係話湯碗o卦!)

正衰女，咁話阿媽!