我的油畫!!!

最近我這個粗人開始學畫油畫(點解係學油畫呢?好明顯有人覺得型，可以沾染一下一些藝術氣質。) 話說我常常乘車回娘家時都會經過一間畫廊，裡面擺放了許多油畫，無知的人即刻心想:『嘩!如果係裡面畫畫，外面的人行過一定覺得我地好型囉!』(其實係佢自己沉醉緊....)

無知人:『我想學畫畫呀!』

某人:『好呀!學啦!睇下人家有冇開班!』(完全不用問我原因)

無知人:『嘩!你都贊成呀?』

某人:『係呀!畫晝可以陶冶性情!唔錯喎!』

無知人:『......』

哈哈!這幅畫係我目前最滿意的畫(畫咗好多幅嗎?)睇得出係一幅風景畫，有天、有海、有樹，有太陽(看到嗎?)畫這幅畫不用起稿，可以隨意上顏色，無知人好開心，可以隨心所欲係咁油(其實係有人懶得起稿囉!)

下課後，某人來接放學，由於我要去換衣服，某人和老師交談起來。

某人:『咦!佢今日幅畫畫得唔錯喎!』(佢努力揾緊話題)

老師:『係呀!佢用色進步了許多!』(......)

某人:『咁咪幾好!可以貼係屋企!』(某人開始唔識俾反應)

老師:『係呀!遲些可以貼滿全屋!』(畫咗三幅咋喎!)

咩事呢?家長教師會嗎?阿媽接女放學???????

*********************************************

下課後，和某人一起到大家樂吃飯，兩個人要了兩個餐。由於某人剛剛打完波，不想吃太多(怕肥!!!!!)所以我便打包拿走作明天Lunch(好慳啊!買衫又唔見佢咁!)。大家樂的那碗飯份量好驚人囉，一碗飯等於兩個人的份量，米好平嗎?