自律??

話說我公司整棟大廈暫停供應廁所水(大佬，已經差不多兩個星期了，究竟係業主立案法團冇錢整，定係覺得我地好多錢呢?用食水沖廁，幾咁浪費!)

不過重點不是這裡，重點係我公司某些師奶同事(我唔係歧視師奶，我本身都係師奶，我阿媽都係師奶!)她們家裡應該有至少一個廁所吧(我十分相信他們可能唔只一個!)我真係好想知道佢地屋企廁所的衛生程度，點解我咁講呢?話說那幾位師奶每次去完廁所，無論是大與小，總會留低一些手尾，例如有尿跡係馬桶邊啦、有屎跡係馬桶裡面,亦都見過有條血路係地上(ok,我知你還有m來,不用告訴我)，某位同事更加是童心未泯，洗完手後把水潑到鏡子上(??有冇搞錯)所以每次除非我忍冇可忍,否則我一定不會跟她們後面去廁所(公司只有一格女廁，一格男廁)。之前提過，由於公司最近沒有廁所水，要自行用膠桶裝水後再沖廁，廁所衛生問題變得更為嚴重了。你會發現有紙巾未被沖掉、有幾條屎痕係馬桶(好核突呀!!可唔可以刷一下呢?)我每次都有個習慣，就係沖廁後(無論大小)都會看清楚有否手尾留低,免得影響下一手，難道她們這麼大個人都不懂自律，我不是她們的阿三阿四，冇義務去幫她們善後呀!早陣子公司廁所已經張貼了告示要大家保持清潔(唉...連這些都要人提點，面斥不雅，她們知道嗎?)

好無奈!那些家裡有工人的就話可以唔駛自己清潔廁所，那些沒有工人的，難道每次都有家人幫她們善後?